ဒီ Course မှာ ဘာတွေ ပါဝင်မလဲ?
JavaScript ဆိုတာ ဘာလဲ?
Section titled “JavaScript ဆိုတာ ဘာလဲ?”JavaScript ဆိုတာ Webpage တွေကို အသက်ဝင်စေတဲ့ Programming Language တစ်ခုဖြစ်ပါတယ်။
လွယ်လွယ်ပြောရရင်:
- HTML က အိမ်ရဲ့ အရိုးစု (Structure) နဲ့ တူတယ်။ (ခေါင်းစဉ်တွေ၊ စာပိုဒ်တွေ၊ ပုံတွေ)
- CSS က အိမ်ရဲ့ အလှဆင်မှု (Decorations) နဲ့ တူတယ်။ (အရောင်တွေ၊ ဒီဇိုင်းတွေ)
- JavaScript ကတော့ အိမ်ရဲ့ လျှပ်စစ်မီးနဲ့ ရေပိုက်စနစ် (Functionality) နဲ့ တူတယ်။ (မီးခလုပ်ဖွင့်ရင် မီးလင်းမယ်၊ ဘုံဘိုင်ဖွင့်ရင် ရေလာမယ်)
DOM Manipulation ဆိုတာ ဘာလဲ?
Section titled “DOM Manipulation ဆိုတာ ဘာလဲ?”ဒီ Course ရဲ့ အဓိက Focus က DOM Manipulation ပါ။
“DOM Manipulation” ဆိုတာ နည်းနည်းလေး နားလည်ရခက်တဲ့ စကားလုံး ဖြစ်နိုင်တယ်။ ဒါပေမဲ့ ရိုးရှင်းပါတယ်။ JavaScript ကိုသုံးပြီး HTML လို့ခေါ်တဲ့ Webpage ပေါ်က အရာတွေကို လှမ်းပြောင်းလဲခြင်း လို့ မှတ်လိုက်ပါ။
ဥပမာ -
- စာသားတွေကို ပြောင်းမယ်။
- အရောင်တွေကို ပြောင်းမယ်။
- Element အသစ်တွေ ထပ်ထည့်မယ်။
မပူပါနဲ့။ နောက်ပိုင်းမှာ ဒါကို လက်တွေ့စမ်းသပ်ရင်း သေချာပေါက် နားလည်လာမှာပါ။
ဒီ Course က ဘယ်လို ပုံစံမျိုးလဲ?
Section titled “ဒီ Course က ဘယ်လို ပုံစံမျိုးလဲ?”ဒီ Course က စာဖတ်ရုံ သက်သက်မဟုတ်ပါဘူး။ Interactive ဖြစ်ပါတယ်။
- ဖတ်မယ်: သဘောတရားတွေကို လွယ်ကူတဲ့ မြန်မာစကားနဲ့ ရှင်းပြထားမယ်။
- စမ်းမယ်: သင်ခန်းစာ တစ်ခုပြီးတိုင်း လက်တွေ့စမ်းသပ်ရမယ့် အပိုင်းတွေ ပါမယ်။
- တည်ဆောက်မယ်: Project အသေးစားလေးတွေ (ဥပမာ - Counter, To-Do List) ကို ကိုယ်တိုင် တည်ဆောက်ကြည့်ရမယ်။
Let’s go…