Parameters & Return Values

Function တွေဟာ ကိုယ့်ဘာသာ သီးသန့် အလုပ်လုပ်ရုံတင် မဟုတ်ဘဲ၊ အပြင်ဘက်ကနေ Data တွေကို လက်ခံရယူနိုင်သလို၊ တွက်ချက်လို့ ရလာတဲ့ ရလဒ်တွေကိုလည်း အပြင်ကို ပြန်လည် ပေးပို့နိုင်ပါတယ်။

Parameters (လက်ခံသူများ)

Function ကို ခေါ်သုံးတဲ့ အချိန်မှာ Function ထဲကို Data တွေ ထည့်သွင်း ပေးလိုက်ချင်တဲ့ အခါမျိုးမှာ အသုံးပြုပါတယ်။

function greet(name) {
  console.log("Hello " + name + "!");
}

greet("Mg Mg"); // "Hello Mg Mg!"
greet("Hla Hla"); // "Hello Hla Hla!"

ဒီနေရာမှာ greet(name) ထဲက name ဆိုတာကို Parameter လို့ ခေါ်ပြီး၊ အပြင်ကနေ အမှန်တကယ် ထည့်ပေးလိုက်တဲ့ “Mg Mg” နဲ့ “Hla Hla” ဆိုတဲ့ တန်ဖိုးတွေကိုကျတော့ Argument လို့ ခေါ်ဆိုပါတယ်။

Return Values (ရလဒ် ပြန်လည်ပေးပို့ခြင်း)

Function ထဲမှာ console.log သုံးတာက မျက်နှာပြင်ပေါ်မှာ စာထုတ်ပြရုံ သက်သက်ပါပဲ။ တကယ့် လက်တွေ့ Project တွေမှာက တွက်ချက်လို့ ရလာတဲ့ အဖြေကို နောက်ထပ် လုပ်ငန်းစဉ်တွေမှာ ဆက်သုံးဖို့အတွက် အပြင်ကို ပြန်ထုတ်ယူချင်တာ များပါတယ်။ အဲ့ဒီအခါမျိုးမှာ return ဆိုတဲ့ Keyword ကို အသုံးပြုရပါတယ်။

function add(num1, num2) {
  return num1 + num2; // တွက်ချက်ပြီး ရလာတဲ့ အဖြေကို အပြင်သို့ ပြန်ပေးပါမည်
}

let result = add(10, 20); // add Function က ပြန်ပေးလိုက်တဲ့ တန်ဖိုး 30 ကို result ဆိုတဲ့ Variable ထဲမှာ သိမ်းလိုက်ပါတယ်
console.log(result); // ရလဒ်: 30

🚨 အထူး သတိပြုရန်: Function တစ်ခုအတွင်းမှာ return လို့ ရေးထားတဲ့ လိုင်းကို ရောက်ပြီး အလုပ်လုပ်သွားတာနဲ့ တပြိုင်နက်၊ အဲ့ဒီ Function ရဲ့ လုပ်ငန်းစဉ်ဟာ ချက်ချင်း ရပ်တန့်သွားပါလိမ့်မယ်။ return ရဲ့ အောက်မှာ ဘယ်လောက်ပဲ Code တွေ ဆက်ရေးထားပါစေ လုံးဝ (လုံးဝ) ဆက်အလုပ်မလုပ်တော့ပါဘူး။